Kantas la ensemblo "Inspiro"

Titolo dauxro amplekso  
Karteta dometo Sony Keygen DVD Arch 2.16 1.1 Mb teksto
Dimancxo 3.15 1.6 Mb teksto
Kvazaux songxo 2.00 1.0 Mb teksto
La destin' 4.40 2.3 Mb teksto
Jalta 1.45 0.9 Mb teksto
Maja nokto 3.25 1.7 Mb teksto
Al komencantoj 3.22 1.6 Mb teksto
Fermita urbo 4.30 2.3 Mb teksto
Cxe kafotablo 1.55 0.9 Mb teksto
Homo por mi 1.52 0.9 Mb teksto
Mia kara amik' 3.20 1.6 Mb teksto
Letero 2.03 1.0 Mb teksto
Din -- don 2.32 1.2 Mb teksto
Poltavio 1.48 0.9 Mb teksto
Fantazi' 4.05 2.0 Mb teksto
Nokto ploras 3.50 1.8 Mb teksto
Lulkanto 2.05 1.0 Mb teksto
Januaro 2.10 1.1 Mb teksto
Ni renkontigxos 2.20 1.1 Mb teksto

[Supren!] Karteta dometo [<<<] [>>>]
muziko -- V. Soroka, vortoj -- V. Soroka
 
Kie mirakle bluetas mont',
Kie el tero fluas la font',
Tie karteta staras domet',
Kaj tie vivas kune: kviet',
Plumo, inkujo, kudrilo, faden'.
Novaj fabeloj kaj olda kamen',
Amikaj kantoj, fresxakvo en tin',
Kaj ankaux mi en fin'.
Se, mia frato, trafos vin plag',
Se pelos vin nebula tag',
Frapu la pordon kaj knaros gxi,
Tuj malfermigxos, kaj scios vi pri:
Plumo, inkujo, kudrilo, faden'.
Novaj fabeloj kaj olda kamen',
Amikaj kantoj, fresxakvo en tin',
Kaj ankaux mi en fin'.
Degelas tempo, degelas stel',
kaj vivo sxajnas nur bagatel'.
Foriras homo, poste la nom'.
Restas nur mia karteta dom':
Plumo, inkujo, kudrilo, faden'.
Novaj fabeloj kaj olda kamen',
Amikaj kantoj, fresxakvo en tin',
Kaj ankaux mi en fin'.
 
[Supren!] Dimancxo [<<<] [>>>]
muziko -- V. Soroka, vortoj -- V. Soroka
 
Morgaux estos la dimancxo,
Min atendas voj'.
Cxiun finon de semajn'
Renkontas mi kun gxoj'.
Kun gxoj' preparas cxion
Por la vojagx',
Kun gxojo direktigxas
Al vilagx'.
Aux per auxto, aux per trajno,
Aux piede mi
De la urbo vagabondas --
Vokas sun-radi'.
Tra kampoj mi vagadas
Al riveret',
Cxe kiu min atendas
La kviet'.
Fresxa akvo, densa ombro,
Malrapida flu',
Mola herbo, altaj kverkoj
Kaj cxiela blu'.
La vento kantas supre,
Min logas gxi.
En vojon vokas
Venta simfoni'.
Morgaux estos la dimancxo,
Min atendas voj'.
Cxiun finon de semajn'
Renkontas mi kun gxoj'.
Kun gxoj' preparas cxion
Por la vojagx',
Kun gxojo direktigxas
Al vilagx'.
Kun gxojo kantas vento,
Min vokas gxi.
En vojon vokas
Venta simfoni'.
 
[Supren!] Kvazaux songxo [<<<] [>>>]
muziko -- V. Soroka, vortoj -- V. Soroka
 
Viaj cxarmaj trajtoj,
Sincera rido, sincera rid'...
Kvazaux dormas mi,
Kvazaux songxas mi,
Kvazaux kunas ni:
Estas kune ni. Kune ni.
Ree apud mi -- vi.
Mi ne havas forton
Forgesi vin.
Jes, forgesi vin.
Sed nur cxarma songxo
Ne lasas min --
Vivas gxi en mi:
Estas kune ni. Kune ni.
Ree apud mi -- vi.
Ve, foriris tempo de nia amo,
De la fabel'.
Kaj nun solas mi
Kiel lupa splen'
En la homa fel'.
Estas kune ni. Kune ni.
Ree apud mi -- vi.
 
[Supren!] La destin' [<<<] [>>>]
muziko -- V. Soroka, vortoj -- V. Soroka
 
La destin'...
Kompatu, dioj, prenu gxin!
Homa sin'
Enhavas sentojn nure kvin.
Ne, gxis la fin'
Cxiu rutin' fremdas min.

Dum nigra splen',
Aux sxtorma vent' -- male,
Amikoj cent'
Ne lasos min vani.
Firma uni'
De proksimaj al ni.
Ne timas mi,
Min timigas neni'.
Vide al Ter' alpremos mi koron --
Mia amik', cxu pulsas gxi fore?
Dorna voj' --
De l'trompoj kaj mensogoj cxen'.
Kaj malgxoj'...
Sed mi ja tion volis mem.
Por frata rond' --
Mia kant', mia fort'.
Kaj en la kant' --
Mia logo kaj sort'.
Ho, mia gxoj' kaj la malgxoj' kanta.
Dum vivovoj' mem venkos mi vanton.
 
[Supren!] Jalta [<<<] [>>>]
muziko -- V. Soroka, vortoj -- V. Soroka
 
Tra fenestro la...
La suno, plej brilanta mara suno
Karesas min.
Mi venas al Jalta.
La tendara tag'...
La maro, blua maro,
Tiom longe atendata.
Mi felicxas vidi vin, amata.
Tra fenestro la...
La festa ven' espera.
Legxere nefinanta fonto cxiela.
Vere -- gastama tero.
Mi ne forgesos vin...
Neniam mi forgesos vin,
Cxar amis vin,
Jalta.
 
[Supren!] Maja nokto [<<<] [>>>]
muziko -- A. Gvozdirev, vortoj -- G. Desxkin
 
Argxenta luno brilas
Dormanta super val'.
Kaj en gxardeno trilas
Mallauxte najtingal'.
Trankvilo kaj silento.
Mi sidas en gxarden.
Al mi alblovas vento
Odoron de jasmen'.
Ho, bela nokto maja.
Ho, flora bonodor'.
En mia kor' malgaja
Sopiro iras for'.
Kaj sidas mi ravita
Per cxarmo de printemp'.
Al kor' elturmentita
Alvenis bela tent'.
Min jam plenigas fortoj,
Kaj vivi volas mi.
Mi povas venki l'sorton,
Batali kontraux gxi.
Argxenta luno brilas
Dormanta super val'.
Kaj en gxardeno trilas
Mallauxte najtingal'.
 
[Supren!] Al komencantoj [<<<] [>>>]
muziko -- V. Soroka, vortoj -- A. Belov
 
A, B, C, Cx, D, E...
A, B, C, Cx, D, E...
La unuan lecionon
Jam komencis kursgvidanto,
Komencantoj lin auxskultas
Kun tre granda interes'.

Flanke sidas prezidanto --
Nia kara prezidanto,
Kaj rigardas komencantojn
Kun espero kaj kares'.
Komencantoj, komencantoj,
Bone lernu Esperanton,
Kaj akiros vi amikojn
En la land' Esperantuj'.
Ni ja iam ankaux estis
Nur timemaj komencantoj.
Sed malfortaj ni ne estis --
Tiam junaj estis ni.

Kaj gxis nun ni sxatas kantojn,
Tiujn la plej belajn kantojn.
La unua leciono
Sxajnas rava simfoni'.
Komencantoj, komencantoj,
Bone lernu Esperanton,
Kaj akiros vi amikojn
En la land' Esperantuj'.
Baldaux igxos vi la samaj
Spertaj gesamideanoj,
Kaj la vasta verda mondo
Estos via por cxiam'.

Plivastigxu nia rondo,
Plimultigxu niaj vicoj.
Por fidelaj geamikoj
Esperanto estu am'.
Komencantoj, komencantoj,
Bone lernu Esperanton,
Kaj akiros vi amikojn
En la land' Esperantuj'.
A, B, C, Cx, D, E...
A, B, C, Cx, D, E...
 
[Supren!] Fermita urbo [<<<] [>>>]
muziko -- A. Gvozdirev, vortoj -- V. Soroka
 
La fermita urbo loganta
Estas vi por mi.
Kiel cxarma, kiel floranta
Suna imperi'.

Bela, kiel papilio
Dum la varmsomer' --
La fermita urbo de l'tener'.
La fermita urbo loganta
Estas vi por mi.
Kiel festa, kiel kantanta
Gaja sunradi'.

Aux dum tago, aux vespere
Mi rimarkias, ke
Mi singxenas vin malfermi, ve!
En la songxoj nur
Ne timas hom' malfermi sin.
Nur en songx' konfesas l'kor':
Mi amas vin!
La fermita urbo loganta
Estas vi por mi.
Pli engima, pli ol la vanto,
Pli ol simpati'.

Pulsas sango, l' kap' turnigxas,
Ekhaltigxas temp',
Dum tra l' koro pasxas la printemp'.
La fermita urbo loganta
Estas vi por mi.
Koro dronas en la fluanta
Arda fantazi':

Cxu l' kor' portus al rivero,
Aux, ve, al metro',
Se nur mi similus al hero'?
La fermita urbo loganta
Estas vi por mi.
 
[Supren!] Cxe kafotablo [<<<] [>>>]
muziko -- A. Gvozdirev, vortoj -- W. Liebig
 
Venu nun, samideanoj,
Regu harmoni'.
Plenkreskuloj kaj infanoj,
Kolektigxu ni.

Cxirkauxante tablon
Montru la kapablon
Mangxi, trinki kaj konvinki
Korojn sen ebri'.

Jam delonge en la koro
Malsategis ni.
Al la bela festa horo
Celis, batis gxi.

Bona estas kafo,
Akvo en karafo,
Teo varma estas cxarma,
Cxu konsentas vi?

Sed plej grava,
Cxefa parto --
Cel' de nia kor',
Tamen estas la bonfarto
De la san-labor'.

Por la nia granda,
Granda Esperanto.
Vivu, vivu Esperanto,
Vivu en la kor'!
 
[Supren!] Homo por mi [<<<] [>>>]
muziko -- M. Korotj, vortoj -- M. Korotj
 
En akvujo de l'cxielo
Nagxas nubo -- blanka velo:
Ja vi estas homo por mi!
Flugas inter kronaj retoj
Sunradiaj leporetoj:
Ja vi estas homo por mi!
Lignofajro dum vespero --
Opinio de fajrero:
Ke vi estas homo por mi!
Kuras flamo tra lignaro,
Kantas, dancas je gitaro:
Ke vi estas homo por mi!
Vagabondas pluvaj strioj,
Ter' kovrigxas per folioj:
Flugas malproksimen avi'.
Ne ekzistas jam demandoj
Krom la sola, la plej granda:
Cxu vi estas homo por mi?
 
[Supren!] Mia kara amik' [<<<] [>>>]
muziko -- V. Soroka, vortoj -- V. Soroka
 
Mia kara amik',
Mia vera amik',
Kion farus mi mem,
Se nur vi lasus min?
Ja sen vi
Estas malgaje...
Al mateno kun am'
Venas mi por renkont'.
Kiam ros' en la herb',
Kaj profunda silent' --
Cxirkaux ni.
Ho, silent' de matenigx',
Estas vi ora!
Por la ros', por silent',
Por infana ridet'
Devas ni fari, ke
En la mond' ne bruegu milit'.
Ho, mia vocx',
Estu vi tondr',
Estu vi tondro.
Se vi estas amik',
Pense kune kun mi,
Tiam nun kiel mi
Ne silentu, sed kantu kun mi.
Kaj nia kant',
Estos plej cxarma.
 
[Supren!] Letero [<<<] [>>>]
muziko -- V. Soroka, vortoj -- V. Soroka
 
Facile tusxas plumo la paperon
De l' letero.
Mi skribas longe,
Gxis finigxas la krajono kaj kajero:
Pri la tendaro
Cxe bordo de la mar'.
Pri gxia karo,
Simila al la ...
Mallauxta via vocxo,
Ho, mia belulino,
Kara!
Cxe la fenestro sidas mi,
Rememorigxas kvazaux songx' tendaro nia.
Mi skribas nokte, gxis lacigxas miaj manoj,
Kara mia.
Pri suna tero,
Cxe bordo de la mar'.
Pri la somero,
Varmega kiel ...
Dum tiu cxarma nokto
Unua via kiso...
Kiso.

Pri la tendaro
Cxe bordo de la mar'.
Pri gxia karo,
Simila al la ...
Mallauxta via vocxo,
Ho, mia belulino,
La kvina!
 
[Supren!] Din -- don [<<<] [>>>]
muziko -- V. Soroka, vortoj -- V. Soroka
 
Din-din-don -- horlogxo frapas,
Balancigxas la pendolo,
Montriloj kuras,
Dentradoj turnas
Unu la alian.

Din-din-don -- min vokas tempo,
Sed mi jam lacas tre,
Ho, lacas mi
Pro tia vant',
Kaj volas kuri
Ien cxiam.

Din-din-don, min kaptis tempo,
Sed mi ne kantas jam.
 
[Supren!] Poltavio [<<<] [>>>]
muziko -- V. Soroka, vortoj -- V. Soroka
 
Ho, Poltavio, bela mia,
Via popolo melodia.
Se mi nur foje auxdus vin,
Mi estus felicxa senfine.
Viaj cxarmaj kantistinoj.
Viaj belaj kantoj!
Ho, Poltavio, revoj miaj,
Verdaj stratetoj simpatiaj.
Se mi nur foje vidus vin,
Mi estus felicxa senfine.
Viaj domoj kaj uzinoj,
Viaj vastaj kampoj!
Ho, mia stelo, Poltavio,
Via cxartmeta harmonio.
Sen vi ne povas vivi mi,
Sen viaj cxieloj kaj riveroj,
Viaj kantoj dum vesperoj,
Viaj sunsubiroj!
 
[Supren!] Fantazi' [<<<] [>>>]
muziko -- V. Soroka, vortoj -- V. Soroka
 
Fantazi'.
Fanta-Fantazio.

Atendu iomete gxis nun,
Atendu, vi atendu, vi atendu,
Mi rakontos la sekreton al vi,
Rakontos pri mirakloj la homa Fantazio.
De kie gxi aperis?
Ho, kiel interese!
Certe, ne onklo en cxapelo
Alportas fantazion
En vina botelo.
Aperos gxi dum alvok' al hom'.
Do kial vi atendu, vi atendu?
Gxi aperos, nur vi kredu al mi,
Mi kantos la miraklojn de la homa Fantazio.
Fantazi'.
Fanta-Fantazio.
Mia kara Malvino, Pierro kaj Buratino,
Avineto Tortilo, kaj sinjor' Karabas-Barabas.
Fantazi'.
Fanta-Fantazio.
Cxu vi auxdas, kiel sonas
La fabela melodio?
Violono kaj la fluto
Ludas homan fantazion.
 
[Supren!] Nokto ploras [<<<] [>>>]
muziko -- V. Soroka, vortoj -- V. Soroka
 
Mi ne plendas al la sorto -- vi ne pensu.
Plendi pri felicx' apenaux estas senco.
Kiel varme via bela vocxo sonas.
Kaj surstrate ploras nokto -- nokto ploras.

Morgaux sidos vi en trajno, sed hodiaux...
Cxirkauxprenu min pli forte por adiaux.
En okuloj viaj bluaj mi ja dronas.
Kaj surstrate ploras nokto -- nokto ploras.

Restas preskaux jam neniom gxis mateno.
Kaj l'auxroro sxiros inter ni fadenon.
Nian solan nokton cxiam mi memoros.
En fenestron batas pluvo -- nokto ploras.
 
[Supren!] Lulkanto [<<<] [>>>]
muziko -- V. Soroka, vortoj -- V. Soroka
 
Mia fil',
Tago dormas jam, do cxiuj devas dormi nun.
Mia fil',
Jam birdetoj cxiuj mutas, kaj briletas lun'.
Nur la venteto,
Tusxas foliojn.
Mia fileto,
Dormu en lito.
Via songx' --
Estu gxi por vi plej bona tempo sen cxagren'.
Lampiret' --
Songxu -- gxi aliros vin
Kaj kantos gxis maten'.
Nur la venteto,
Tusxas foliojn.
Mia fileto,
Dormu en lito.
 
[Supren!] Januaro [<<<] [>>>]
muziko -- V. Soroka, vortoj -- G. Kolosov
 
Songxe trasxutas abio kaj pin'
Negxan dormemon.
Blankas fenestroj kaj blankas en bril'
Lago sen gxenoj.
Jam ne elstaras el negxa kostum'
Cxaro timema.
Tamen levigxas al nokta mallum'
Suna reveno.
 
[Supren!] Ni renkontigxos [<<<] [>>>]
muziko -- V. Soroka, vortoj -- V. Soroka
 
Post multaj jaroj renkontigxos ni,
Kiam cxi tempo estos histori',
Kiam la nunaj tagoj pasos for.
Do, kion fari... Sed ne plendas mia kor'.

Ni renkontigxos en amika rond',
Kaj rememoroj -- kiel varma ond'.
Kaj niaj kantoj sonos gxis auxror',
Niaj tendaraj kantoj -- gxojo kaj dolor'.

Vento kruela ne disigos nin.
Ja en batalo venkas la obstin'.
Ja geamikoj en la tuta mond'
Estas plej vera en la vivo firma font'.

Ni renkontigxos dum felicxa temp',
Fruaj hirundoj venos kun printemp',
Suno unua kaj unua flor'
Novan inspiron vekos en amika kor'.

Ni renkontigxos en amika rond',
Ni renkontigxos dum felicxa temp',
Ni renkontigxos...
Al la supro de la pagxo
Cxi tiujn pagxojn arangxis Sergej Versxinin kaj Jurij Finkel